An enger Zäit wou Nimm wéi Lio, Mila oder Noah d’Hitlëschten uféieren, ginn et och eng Rei klassesch Lëtzebuerger Nimm déi bal komplett aus dem Alldag verschwonne sinn. E puer dovu sinn esou markant oder laang net méi benotzt ginn, datt een sech kaum virstelle kann, dass se nach eng Kéier e Comeback kréien. Hei si 6 Nimm, déi zwar eemol üblech waren – mee haut warscheinlech keen Elterendeel méi sengem Puppelche géif ginn:
1. Batti
Eng Kuerzform vu Barthélemy, déi fréier emol zu Lëtzebuerg verbreet war. Haut kléngt et éischter no engem Fantasie-Numm, a kee géif säi Beebee esou nennen.
2. Bierbel
Dëse weiblechen Numm war eemol ganz populär, mee haut erënnert en éischter un eng Madame aus engem Vintage-Film. Fir eng Hauskaz kéint en eng charmant Wiel sinn – fir e Meedchen awer éischter net.
3. Adolf
Obwuel et technesch gesinn e germaneschen Numm mat laanger Geschicht ass, ass Adolf ontrennbar mat dem däischterste Kapitel vum 20. Joerhonnert verbonnen. Eppes wat kaum en Elterendeel sengem Kand mat op de Wee wéilt ginn.
4. Maargréit
Eng herrlech lëtzebuergesch Variant vu Margarete – mee haut kléngt Maargréit éischter no enger Bomchen déi Quetschentaart baakt.
5. Haanswëllem
Grad ewéi de Numm Haanswëllem selwer ass och d’Zäit vun den Duebelnimm am allgemengen zimmlech eriwwer.
6. Réisel
Dësen ale weiblechen Numm huet een douce, nostalgesche Klang, mee gëtt haut och net méi benotzt. Rosalie wier da warscheinlech nach éischter an der Auswiel als Numm fir ee Meedchen.
Wann de Interessi hues u weideren ale Lëtzebuerger Nimm – och déi, déi een nach ëmmer kéint benotzen – da kuck dir déi komplett Lëscht hei un: Déi ganz Lëscht vu lëtzebuerger Virnimm
